عبرانی میڈیا ذرائع نے انکشاف کیا ہےکہ قابض حکام تل ابیب میں "بنی براک” آپریشن کے بعد اگلے حملے کو روکنے اوراسے ناکام بنانے کے لیے کوششیں تیز کردی ہیں۔ اسرائیلی حکام کا کہنا ہے کہ حالیہ ایام میں کیے جانے والے حملوں کی پہلے سے ہی منصوبہ بندی کی گئی تھی۔
عبرانی "کیکر” ویب سائٹ نے بتایا کہ فوج نے جنین میں فائرنگ کے حملے کے مرتکب کے گھر پر چھاپہ مارا اور اس کے بھائی اور اس کے خاندان کے متعدد افراد کو پوچھ گچھ کے لیے گرفتار کر لیا۔ قابض حکام نے گھر میں موجود سامان اور کئی اشیا قبضے میں لے لیں۔
ویب سائٹ نے کہا کہ پولیس اور شن بیٹ اس بات کی تحقیقات کر رہے ہیں کہ ضیا حمارشہ نے ہتھیار کیسے حاصل کیے۔ آیا اس نے اسے کسی سے حاصل کیا یا خریدا اور اس نے دیوار فاصل کو کیسے عبور کیا۔
اس نے نشاندہی کی کہ اسرائیلی سیکیورٹی سروسز کا اندازہ ہے کہ اس نے بنی براک میں حملہ کرنے کی وجہ شہر میں اس کا کام اور اس کی پیشگی معلومات تھی۔
ویب سائٹ نے کہا کہ اس مرحلے پرتفتیش اس کے معاونین پر مرکوز ہے۔ اس نے ہتھیار کہاں سے حاصل کیے، یا اس نے اسے کسی سے خریدا، اور وہ کار جو اسے بنی براک کی جبوتنسکی اسٹریٹ پر لے گئی اس تک کیسے پہنچی۔”
انہوں نے نشاندہی کی کہ سیکیورٹی سروسز اس بات کا اندازہ لگا رہی ہیں کہ بیرسبع ، حضیرہ اور بنی براک میں گزشتہ تین حملوں کے درمیان کوئی تعلق نہیں ہے۔
