تنازعہ فلسطین پر عرب لیگ کا رواں ماہ خصوصی اجلاس متوقع

قاھرہ میں شامی سفیر اور عرب لیگ میں مندوب یوسف احمد نے کہا ہے کہ رواں ماہ کے آخر میں عرب لیگ کا اجلاس صرف مسئلہ فلسطین کے موضوع پر ہوگا-
 قاھرہ میں ایک پریس کانفرنس سے خطاب کرتے ہوئے انہوں نے کہا کہ اسرائیل غزہ میں مسلسل جنگی جرائم کا مرتکب ہو رہا ہے اور عرب دنیا کی خاموشی فلسطینی شہریوں کے زخموں پر نمک چھڑکنے کا کام دے رہی ہے- شامی سفیر نے کہا کہ اسرائیل کو محض بیان بازی سے باز نہیں جاسکتا- اگر بیانات کافی ہوتے تو آج غزہ کے شہریوں کا خون اس طرح نہ بہتا- یوسف احمد نے عرب ممالک سے اسرائیلی جارحیت کو سختی سے روکنے اور فلسطینی شہریوں کی ہر طریقے سے مدد کرنے کا مطالبہ کیا-