اقوامِ متحدہ کے ایک آزاد تحقیقاتی کمیشن نے گزشتہ شام فلسطینی علاقوں میں اسرائیلی انسانی حقوق کی خلاف ورزیوں پر عوامی سماعت شروع کی ہے۔
سماعت کے آغاز میں اسرائیل کی طرف سے گزشتہ سال فلسطینی حقوق کے لیے کام کرنے والی متعدد تنظیموں کو کالعدم قرار دینے کے فیصلوں پر تحقیق کی جا رہی ہے۔
اقوامِ متحدہ کی انسانی حقوق کونسل کے قائم کردہ کمیشن نے پانچ روزہ غیر جانبدارانہ سماعت کا اعلان کیا ہے۔
سماعتوں میں فلسطینی صحافی شیرین ابو عاقلہ کے قتل کا بھی جائزہ لیا جائے گا، جو مئی میں مقبوضہ مغربی کنارے میں صحافتی ذمہ داریاں ادا کرتے ہوئے سر میں گولی لگنے سے جاں بحق ہوئی تھیں۔
