غزہ – مرکزاطلاعات فلسطین
ہفتے کی شام قابض اسرائیلی فوج نے غزہ شہر کے مغرب میں الشاطی کیمپ میں ابو عاصی سکول پر بمباری کرکے ایک نیا قتل عام کیا، جس میں ہزاروں بے گھر افراد رہائش پذیر ہیں۔
مقامی ذرائع نے بتایا کہ قابض فوج کے جنگی طیاروں نے سکول میں بے گھر ہونے والے افراد پر دو میزائلوں سے بمباری کی جس سے بچوں اور خواتین سمیت 10 افراد شہید اور 20 کے قریب زخمی ہوئے۔
اس سے قبل قابض فوج نے کئی ماہ قبل الشاطی کیمپ میں داخل ہونے کے دوران سکول پر توپ خانے سے بمباری کی تھی اور اس پر دھاوا بول دیا تھا۔
قابل ذکر ہے کہ قابض فوج نے تقریباً 200 پناہ گاہوں پر بمباری کی جس کے نتیجے میں ہزاروں افراد شہید اور زخمی ہوئے۔
