فلسطین کے علاقے غزہ کی پٹی پر قابض صہیونی فورسز کی طرف سے کی گئی بلا اشتعال فائرنگ کے نتیجے میں متعدد شہری زخمی ہو گئے۔
مرکزاطلاعات فلسطین کے مطابق قابض فوج نے غزہ ک پٹی کے وسطی علاقے البریج کیمپ کے قریب فلسطینی مظاہرین پر براہ راست گولیاں چلائیں، جس کے نتیجے میں متعدد افراد زخمی ہو گئے۔
مقامی فلسطینی طبی ذرائع کے مطابق اسرائیلی فوج کی فائرنگ سے غزہ میں زخمی ہونے والے مظاہرین کو اسپتالوں میں لایا گیا ہے۔ مشرقی غزہ میں ناحل عوز کے مقام پر کی گئی فائرنگ کے ایک دوسرے واقعے میں ایک نوجوان زخمی ہو گیا۔ دونوں مقامات پر اسرائیلی فوجیوں نے فلسطینی مظاہرین کو نشانہ بنایا ہے۔ اسپتال لائے گئے ایک زخمی نوجوان کی حالت تشویشناک بیان کی جاتی ہے۔
مقامی فلسطینی ذرائع کا کہنا ہے کہ صہیونی فورسز نے غزہ کی پٹی میں صہیونی فوج کی دہشت گردی کے خلاف احتجاجی مظاہرہ کر رہے تھے کہ ان پر آنسوگیس کی شیلنگ کے ساتھ ساتھ براہ راست فائرنگ کی گئی، جس کے نتیجے میں متعدد شہری گولیاں لگنے سے زخمی ہو گئے۔
