اسرائیل کی ایک فوجی عدالت کی طرف سے تین فلسطینی شہریوں کو قید اور بھاری جرمانوں کی سزائیں سنائی گئی ہیں۔
مرکزاطلاعات فلسطین نے کلب برائے اسیران کی طرف سے جاری کردہ ایک بیان کے حوالے سے بتایا ہے کہ اسرائیل کی ’عوفر‘ نامی فوجی عدالت نے گذشتہ روز اسیر جبریل خلیل کوازبہ کو 45 ماہ قید اور 2000 شیکل جرمانہ کی سزا کا حکم دیا۔ اس کے علاوہ عدالت سے اسیر خالد احمد الرداید کو 12ماہ قید اور 4000 شیکل جرمانہ جب کہ اسیر محمد نخلہ کو 15 ماہ قید اور جرمانہ کی سزا سنائی گئی۔
