فلسطینی اتھارٹی کے سربراہ محمود عباس نے لاطینی امریکی ممالک پر زور دیا ہے کہ وہ پیراگوئے کی پیروی نہ کریں اور بیت المقدس میں سفارتخانوں کی منتقلی سے باز رہیں۔
کراکس میں وینزویلا نکولاس مادورو کے صدر سے ملاقات کرتے ہوئے محمود عباس کا کہنا تھا کہ "ہمیں امید ہے کہ لاطینی امریکا کے ممالک اپنے سفارتخانے بیت المقدس منتقل نہیں کریں گے کیوںکہ ایسا عمل بین الاقوامی قوانین کے خلاف ہے۔”
ان کا مزید کہنا تھا کہ "مشرقی بیت المقدس پر 1967 سے اسرائیل نے قبضہ کیا ہوا ہے۔ یہ فلسطین کا دارالحکومت ہے اور اسے دنیا کی اکثر اقوام نے فلسطینی دارالحکومت تسلیم کررکھا ہے۔”
محمود عباس نے اسرائیل کے ساتھ سنجیدہ مذاکرات کرنے اور اقوام متحدہ میں فلسطین کو مکمل رکنیت دلانے کے عزم کا اظہار کیا۔
