انسانی حقوق کے کارکنوں کی جانب سے فلسطین کے محاصرہ زدہ علاقے غزہ کی پٹی پر عاید پابندیاں ختم کرنے کی عالم گیر مہم شروع کی ہے۔ اس مہم کا دائرہ فلسطین سے نکل کر کئی عرب ممالک اور دوسرے ملکوں تک پھیل گیا ہے۔
مرکزاطلاعات فلسطین کے مطابق ’غزہ سے پابندیاں اٹھاؤ‘ مہم کے منتظمین کا کہنا ہے کہ چند روز پہلے شروع ہونے والی یہ مہم اب کئی عرب ممالک اور امریکا تک پھیل گئی ہے۔
مہم کے منتظمین کا کہنا ہے کہ ان کی کاوشوں سے غزہ پر پابندیاں اٹھانے کے لیے آج بدھ کے روز فلسطین کے مقبوضہ مغربی کنارے، لبنان، اردن اور امریکی شہر نیویارک میں بھی مہم کی حمایت میں جلوس نکالے جائیں گے۔
23 جون بہ روز ہفتہ رام اللہ میں اور اسی روز ہالینڈ کے دارالحکومت امسٹرڈم میں فلسطینی سفارت خانے کے بعد غزہ کی پٹی پرعاید کردہ فلسطینی اتھارٹی اور اسرائیل کی پابندیوں کے خلاف مظاہرے کیے جائیں گے۔
مہم کے منتظمین کا کہنا ہے کہ انہیں کسی کا خوف نہیں اور وہ غزہ کے عوام کے حقوق اور ان پرعاید کی گئی ظالمانہ پابندیوں کے خلاف پوری جرات کے ساتھ صدائے احتجاج بلند کریں گے۔
