فریضہ حج کی ادائی اور مناسک کی تکمیل کے بعد ضیوف الروحمان واپس اپنے اپنے وطن اور ممالک کو روانہ ہونا شروع ہوگئے ہیں۔
مرکزاطلاعات فلسطین کے مطابق شاہ عبدالعزیز بین الاقوامی ہوائی اڈے کے ڈائریکٹر جنرل عصام بن فواد نور نے بتایا کہ حجاج کرام کی واپسی کے تمام انتظامات مکمل کرلیے گئے ہیں۔ ان کا کہنا تھا کہ قریبا ایک ملین حجاج کرام کی فوری واپسی کے انتظامات کئے گئے ہیں۔
ان کا کہنا تھا کہ 27 سرکاری اور نجی محکمے اور ان سے وابستہ 13 ہزار ملازمین حجاج کرام کی واپسی کی سہولیات کے لیے سرگرم ہیں۔
اخبار الوطن سے بات کرتے ہوئے انہوں نے کہا کہ نصف ملین حجاج کرام آئندہ ایک ہفتے کے دوران ملک سے سعودی عرب سے واپس اپنے ملکوں کو روانہ ہوجائیں گے۔
خیال رہے کہ رواں سال 23 لاکھ 71 ہزار 675 فرزندان توحید نے فریضہ حج ادا کیا۔
