فلسطین کے مقبوضہ بیت المقدس شہر میں بدھ کی شام چاقو کے حملے میں دو اسرائیلی فوجی زخمی ہوگئے۔ اسرائیلی فوجیوں نےحملہ آور کو گولی مار دی جس کے نتیجے میں وہ بھی زخمی ہوگیا۔ اسے زخمی حالت میں گرفتار کرکے نامعلوم مقام پر منتقل کردیا گیاہے۔
اسرائیل کے عبرانی ٹی وی چینل 14 کے مطابق اسرائیل کی ملٹری پولیس پر ایک فلسطینی نوجوان نے چاقو کے وار کرکے انہیں زخمی کردیا۔ دوسری جانب فوجیوں نے فلسطینی کو گولی ماردی جس کے نتیجے میں وہ بھی زخمی ہوا ہے۔
دوسرے عبرانی ٹی وی چینل 13 کے مطابق جبل المکبر میں ایک فلسطینی نوجوان نے "ارمون ھنتزو” پولیس سینٹر کے قریب ایک فوجی پر چاقو سے وار کرکے زخمی کردیا۔ اس موقع پرومجود دوسرے فوجی نے حملہ آور پر فائرنگ کی جس کے نتیجے میں حملہ آور اور ایک دوسرا فوجی بھی زخمی ہوگئے۔
