اسرائیلی جیلوں میں قید ایک فلسطینی شہری کا اڑھائی سال سے ٹرائل جاری ہے اور اب تک 106 بار اس کا ٹرائل کیا جا چکا ہے۔
مرکزاطلاعات فلسطین کے مطابق اسیر 40 سالہ محمد الحلبی کو اسرائیلی فوج نے 15 جون 2016ء کو حراست میں لیا تھا۔ وہ امریکا کے ایک بین الاقوامی ادارے ‘Worldvision’ کے ساتھ تعلق رکھتے ہیں۔ انہیں غزہ سے بیت حانون گذرگاہ کے راستے غرب اردن داخل ہونے کے بعد حراست میں لیا گیا۔
انسانی حقوق کے مندوب عبدالناصر فروانہ نے کہا کہ اسرائیلی عدلیہ کی تاریخ ظلم سے بھرپور ہے۔ صہیونی عدلیہ کی تاریخ کوئی ایک بھی شفاف اور منصفانہ فیصلہ نہیں۔ عدالتیں صہیونی ریاست کے ہاتھ میں فلسطینیوں پر مظالم ڈھانے اور سیکیورٹی اداروں کے فیصلوں کو مسلط کرنے کا آلہ کار ہیں۔
ان کا کہنا تھا کہ الحلبی اس وقت ‘نفحہ’ جیل میں قید ہیں۔ صہیونی جیلر اور جلاد دانستہ طورپر الحلبی کو تشدد اور اذیت کا نشانہ بنا رہےہیں۔
