قابض صہیونی ریاست کی القدس میں قائم بلدیہ نے شہر میں سڑک کی تعمیر اور ابودیس کی جامعہ القدس کے گرائونڈ کی آڑ میں وسیع اراضی پرقبضے کا منصوبہ تیار کیا گیا ہے۔
مرکز اطلاعات فلسطین کے مطابق صہیونی بلدیہ ‘معالیہ ادومیم’ یہودی کالونی کی توسیع کی خاطر فلسطینیوں کی تاریخی اور قیمتی اراضی پرقبضے کی منصوبہ بندی کر رہی ہے۔
مشرق بیت المقدس میں دفاع اراضی کمیٹی کے چیئرمین بسام بحر نے ایک پریس بریفنگ میں بتایا کہ صہیونی ریاست نے جنوب مشرق القدس میں خلہ عبد کے مقام پر 1000 دونم اراضی پر قبضے کی تیاری مکمل کر لی ہے۔ صہیونی ریاست اس جگہ پرموجود زیتون کے باغات کو کاٹنے کی بھی تیاری کر رہی ہے۔
ان کا کہنا تھا کہ فلسطینی اراضی پر قبضے کا اصل مقصد کیدار اور معالیہ ادومیم یہودی کالونیوں کو مزید وسعت دینا ہے۔
