اسلامی تحریک مزاحمت ‘حماس’ کے عسکری ونگ القسام بریگیڈز کا مسلسل 221ویں روز بھی کئی محاذوں پر گھسنے والی صہیونی افواج کا مقابلہ جاری ہے جس کے نتیجے میں اب تک مجموعی طور پر 620 اہلکار اور فوجی ہلاک اور 3464 سے زائد زخمی ہوچکے ہیں۔ یہ اعدادو شمارصہیونی فوج کی طرف سے جاری کیے گئے ہیں۔
7 اکتوبر کو پہلے دن سے القسام بریگیڈ سینکڑوں فوجیوں کو ہلاک کرنے اور 250 کے قریب صیہونیوں کو پکڑنے میں کامیاب ہوا۔
شہید عزالدین القسام بریگیڈزکے ملٹری میڈیا نے منگل کو جاری ایک بیان میں کہا گیا ہے کہ ہمارے مجاہدین نے غزہ کے متعدد جنگی محوروں میں گھس کر دشمن کی فوجوں کا مقابلہ کرنے، دشمن کے فوجیوں اور گاڑیوں کے ساتھ شدید جھڑپیں جاری ہیں۔ دھماکہ خیز آلات اور اینٹی آرمر اور اینٹی پرسنل میزائل اور مارٹرگولوں سے دشمن کی گاڑیوں اور کمک کو نشانہ بنایا گیا ہے۔
مجاہدین نے قابض فوجیوں اور ٹینکوں کے درمیان سے نکل کر دو آلات کو دھماکہ خیز مواد سے اڑا دیا اور یاسین میزائل داغے۔
ملٹری میڈیا نے دو ویڈیو کلپس بھی نشر کیےجن میں القسام مجاہدین کی دشمن کے فوجیوں اور گاڑیوں کے ساتھ جھڑپ کے مناظر دکھائے گئے تھے جو کہ شمالی غزہ کی پٹی میں جبالیہ کیمپ کے مشرق میں تھے۔
فوجی میڈیا نے غزہ کی پٹی کے جنوب میں رفح شہر کے مشرق میں لڑائی کے محاذوں پر ہمارے مجاہدین کی دشمن کے فوجیوں اور گاڑیوں کے ساتھ جھڑپ کا ویڈیو کلپ بھی نشر کیا جس میں قسام کے مجاہدین کو ایک پیچیدہ آپریشن کرتے ہوئے دکھایا گیا جس میں 3 صیہونیوں کو نشانہ بنایا گیا۔ ایک مرکاوہ ٹینک اور ایک ٹروپ کیریئر کو صفر کے فاصلے سے اڑا دیا گیا۔
، اور تیسرے ٹینک کو "ال یاسین 105” کے گولے سے نشانہ بنایا گیا اور دیگر مناظر میں متعدد صیہونی گاڑیوں کو نشانہ بنایا گیا۔ وہ آگ پکڑ رہے ہیں، اس کے علاوہ ایک صیہونی انجینئرنگ فورس نے سرنگ میں داخل ہونے کی کوشش کی۔
