ایک نئی سائنسی اور طبی تحقیق میں کہا گیا ہے کہ ویلڈنگ کا کام کرنے والے افراد اس کے دھوئیں سے کینسر جیسے مہلک اور موذی مرض کا شکار ہوسکتے ہیں۔
جرمنی کی ‘یوٹا’ یونیورسٹی کی سائنسدان ڈنیٹزا بلاگیو نے اپنی ایک نئی تحقیق میں کہا ہے کہ ویلڈنگ کا دھواں پھیپھڑوں کے کینسر کا موجب بن سکتا ہے۔ اس کے علاوہ پھیپھڑوں کے کینسر کے دیگر عوامل میں تمباکو نوشی بھی شامل ہے مگر ویلڈنگ کا دھواں بھی اتنا ہی مہلک ہو سکتا ہے۔
جرمن سائنسدان کا کہنا ہے کہ اس میں کوئی شک نہیں کہ سگریٹ نوشی بھی پھیپھڑوں کے کینسر کا موجب بن سکتی ہے۔ اس کے علاوہ کئی دوسرے اسباب بھی پھیپھڑوں کے کینسر کا موجب ہیں ان میں ویلڈنگ کا دھواں بھی شامل ہے۔
اس تحقیق میں 45 مختلف محقیق کے بیانات شامل کیے گئے ہیں جب کہ تحقیق کے دوران 17 ملین لوگوں کا تجزیہ کیا گیا۔
تحقیق سے معلوم ہوتا ہے کہ ویلڈنگ کے دھوئیں سے پھیپھڑوں کے کینسر کے خطرات 43 فی صد بڑھ جاتے ہیں۔
