اسرائیلی فوج نے غزہ کی پٹی کی سرحد پر تازہ مشقیں شروع کی ہیں۔ ان جنگی مشقوں میں غزہ کی سرحد پر تعینات بریگیڈ کے اہلکار حصہ لے رہے ہیں۔ عسقلان شہر اور یہودی کالونیوں میں ہونے والی یہ مشقیں 4 دن تک جاری رہیں گی اور بدھ کو اختتام پذیر ہوں گی۔
عبرانی ویب سائیٹ ‘0440’ کے مطابق اسرائیلی فوج کے ترجمان کا کہنا ہے کہ مشقوں کے دوران فوجی گاڑیوں، ہیلی کاپٹروں، لڑکا طیاروں اور ڈرون طیاروں کی غیر معمولی نقل و حرکت دیکھی جائے گی۔
ترجمان کا کہنا ہے کہ مشقوں کا مقصد فوج کی دفاعی صلاحیت کو بہتر بنانا اور آرمی چیف کی ہدایت پر غزہ کی سرحد پر سیکیورٹی کی صورت حال بہتر بنانے کی کوششوں کا حصہ ہے۔
فوج کا کہنا ہے کہ غزہ کی سرحد پرہونے والی مشقیں سال 2019ء کے شیڈول کا حصہ ہیں۔
