دنیا بھر سے فریضہ حج کی ادائی کے لیے فرزندان توحید کی سعودی عرب آمد کا سلسلہ جاری ہے۔ سال 1440ھ کے حج کے موقع پر اب تک ایک ملین عازمین حج سعودی عرب پہنچ چکے ہیں۔
سعودی عرب کی وزارت حج کے مطابق ہفتے کی شام تک 9 لاکھ 26 ہزار عازمین سعودی عرب پہنچ چکے تھے۔
خبر رساں ایجنسی ‘ایس پی اے’ کے مطابق گذشتہ روز تک 9 لاکھ 26 ہزار 721 عازمین حج سعودی عرب پہنچ چکے تھے۔
رپورٹ کے مطابق 35 ہزار 148 عازمین حج خشکی کے راستے سعودی عرب میں داخل ہوئے۔ 8 لاکھ 81 ہزار 229 فضائی راستوں سے جب کہ ایک لاکھ 3 ہزار 49 افراد سمندری راستے سے سعودی عرب میں داخل ہوئے۔ گذشتہ برس کی نسبت اس عرصے میں 91 ہزار 244 عازمین حج زیادہ پہنچے ہیں۔
