منگل کے روز یہودی آباد کاروں کی بڑی تعداد نے غرب اردن کے شمالی شہر نابلس میں سیکڑوں یہودی آباد کاروں نے حضرت یوسف علیہ السلام کے مزار مقدس پردھاوا بولا اور مقدس مقام کی بے حرمتی کی۔ اس موقع پر اسرائیلی فوج کی فائرنگ سے 12 فلسطینی شہری زخمی ہوگئے۔
مرکزاطلاعات فلسطین کے مطابق اسرائیلی فوج کی فائرنگ سے چار فلسطینی زخمی ہوگئے۔ زخمیوں میں سے چار کی حالت تشویشناک بیان کی جاتی ہے۔ انہیں علاج کے لیے نابلس کے رفیدیا اسپتال منتقل کردیا گیا ہے۔
عینی شاہدین کا کہنا ہے کہ اسرائیلی فوج کی دھاتی گولیوں کی بوچھاڑ کے نتیجے میں 8 فلسطینی زخمی ہوئے۔ قابض فوجیوں نے فلسطینی شہریوں پر آنسوگیس کی شیلنگ بھی کی۔
ادھر اسرائیلی فوج کی بھاری نفری کی فول پروف سیکیورٹی میں یہودی آباد کاروں کی بڑی تعداد نے حضرت یوسف علیہ السلام کے مزار پردھاوا بولا۔ یہودی آباد کاروں نے مذہبی رسومات کی ادائی کی آڑ میں مقدس مقام کی بے حرمتی کی۔
