اسرائیل کے ایک سینیر صحافی نے انکشاف کیا ہے کہ غزہ کی پٹی کی سرحد پر نصب کردہ اسرائیل کے دفاعی نظام آئرن ڈوم سے وابستہ دسیوں فوجی کینسر کا شکار ہوگئے ہیں۔
اسرائیلی صحافی ‘آدم شاویر’ نے عبرانی ٹی وی چینل 13 کے ٹویٹر اکائونٹ پر ایک خبر پرتبصرے میں لکھا کہ آئرن ڈوم فوجیوں میں کینسر کا موجب بن رہا ہے۔ان کا کہناہےکہ اب تک 30 فوجیوں میں کینسر کی تشخیص کی جا چکی ہے اور یہ سب آئرم ڈوم سے منسلک ہیں۔
انہوں نے کہا کہ فوجیوں کی طرف سے یہ مطالبہ کیا گیا ہے کہ طبی طور پر اس امر کی تحقیقات کی جائیں کہ آیا آئرن ڈوم کا کینسر کے مرض کے ساتھ کیا تعلق ہے؟۔
خیال رہے کہ آئرن ڈوم اسرائیل کا ایک دفاعی نظام ہے جو کم فاصلے تک مار کرنے والے راکٹوں اور میزائلوں کے دفاع کے لیے تیار کیا گیا ہے۔
