فلسطین کے مقبوضہ بیت المقدس میں فلسطینی نوجوانوں نے اسرائیلی پولیس کی متعدد گاڑیاں ناکارہ بنا دیں۔
مرکز اطلاعات فلسطین کے مطابق عیسویہ قصبے میں متعدد فلسطینی نوجوانوں نے اسرائیلی پولیس کی تین گاڑیوں کے ٹائرپنکچر کر دیے اور ان پر سنگ باری کر کے انہیں نقصان پہنچایا۔
فلسطینی خبر رساں ایجنسی ‘صفا’ کے مطابق فلسطینی نوجوانوں کے ایک گروپ نے اسرائیلی پولیس کی پٹرولنگ پارٹی پر حملہ کیا۔ فلسطینی مزاحمت کاروں کی طرف سے صہیونی فوج کی گاڑیوں پر سنگ باری کی، پٹرول بم پھینکے۔
اسرائیلی ذرائع ابلاغ کے مطابق اسرائیلی پولیس اہلکار سنگ باری کے نتیجے میں معجزانہ طور پر محفوظ رہے۔
