اسرائیلی حکام نے انکشاف کیا ہے کہ سعودی عرب نے تاریخ میں پہلی بار صہیونی ریاست کے باشندوں کو باقاعدہ طور پر ملک میں آمدو رفت کی اجازت دے دی ہے۔
عبرانی اخبار ‘ہارٹز’ کے مطابق نے اسرائیلی وزیر داخلہ ‘اریہ درعی’ کا ایک بیان نقل کیا ہے جس میں ان کا کہنا ہے کہ سعودی عرب نے ملک کی تاریخ میں پہلی بار صہیونیوں کو ملک میں آنے کی باقاعدہ اجازت دے دی ہے۔
اسرائیلی وزیر کا کہنا ہے کہ صہیونی شہریوں کو سعودی عرب کے سفر کی اجازت دینے کا فیصلہ اسرائیلی عسکری اداروں کی مشاورت سے کیا گیا۔
اس فیصلے کے تحت اسرائیل کی شہریت رکھنے والے مسلمان براہ راست حج وعمرہ کے لیے سعودی عرب کا سفر کرسکیں گے۔ اس کے علاوہ روزگار کے لیے بھی اسرائیلی باشندوں کو سعودی عرب کے سفر کی اجازت ہوگی۔
عبرانی اخبار کے مطابق اسرائیلی شہریوں کو سعودی عرب کے سفر کی اجازت اس شرط پردی گئی ہے کہ اسرائیلی شہری کو کسی سعودی شہری کی طرف سے باقاعدہ دعوت دی جائے گی جس پر وہ سعودی عرب کا سفر کر سکے گا۔
