اسرائیلی وزیراعظم بنجمن نیتن یاھو نے خبردار کیا ہے کہ آنے والے چند ہفتوں کے دوران صہیونی ریاست کو’کرونا’ وباء کے ایک خوفناک سونامی کا سامنا کرنا پڑ سکتا ہے۔ ان کا کہنا تھا کہ اگر اسرائیل میں محکمہ صحت کرونا بحران پرقابو پانے میں ناکام رہا ہے چند ہفتوں کے دوران اگراس وباء پرقابو نہ پایا گیا تو اس کے نتیجے میں اسرائیل کرونا کے خوفناک طوفان کی لپیٹ میں آسکتا ہے۔
اسرائیلی وزیراعظم نیتن یاھو نے نامہ نگاروں سے ٹیلیفون پر بات چیت کرتے ہوئے کہا کہ حکومت کرونا وائرس کے کسی بھی خطرے سے آگاہ ہے اور ہم شہریوں کی جانوں کے تحفظ کے لیے ہرممکن کوشش کررہے ہیں۔ ان کا کہنا تھا کہ اگر کرونا کی وجہ سے حالات بے قابو ہوئے تو 10 ہزار اسرائیلی اس وباء سے ہلاک اور کئی ملین متاثر ہوسکتے ہیں۔
اسرائیل کے عبرانی ٹی وی چینل 12 کی رپورٹ میں بتایا گیا ہے کہ اسرائیلی حکومت کے بعض وزراء اب بھی کرونا وائرس کے بڑے پیمانے پر پھیلنے کا امکان ظاہر کررہے ہیں۔
