فلسطین کے علاقے غزہ کی پٹی میں اسرائیلی فوج نے ایک بار پھر سرحدی دراندازی کی ہے۔ اسرائیلی فوج کی طرف سے غزہ کی پٹی میں فلسطینی کاشت کاروں اور ماہی گیروں پر فائرنگ بھی کی۔ اسرائیلی فوج ن؛لپہٓے غزہ کی پٹی کی سرحد عبور کرکے سرحد پر سرنگوں کی تلاش کی آڑ میں کھدائی بھی کی۔
مقامی فلسطینی ذرائع نے بتایا کہ شمالی غزہ میں بیت حانون کے مقام پراسرائیلی فوج کئی سو گز اندر داخل ہوئی اور سرحدی علاقے میں دراندازی کی۔
ادھر مغربی غزہ میں بیت لاھیا میں اسرائیلی فوج نے سمندر میں تین میٹر اندر فلسیطنی ماہی گیروں پر فائرنگ کی۔
غزہ کی پٹی میں جنوبی شہر خان یونس میں کیسوفیم کےمقام پراسرائیلی فوج نے فلسطینی کسانوں پر فائرنگ کی تاہم کسی قسم کا کوئی جانی نقصان نہیں پہنچا۔
