اسرائیل کی جیل میں قید 54 سالہ فلسطینی ایمن عبدالمجید سدر کی مسلسل اسیری کے 25 سال مکمل ہوگئے ہیں جس کے بعد وہ قید کے 26 ویں برس میں داخل ہوئے گئے ہیں۔
کلب برائے اسیران کی رپورٹ کے مطابق اسیر سدر کا شمار اسرائیلی جیلوں میں قید پرانے اسیران میں ہوتا ہے۔ انہیں عمر قید کی سزا کا سامنا ہے۔حراست میں لینے کے بعد انہیں القدس میں قائم المسکوبیہ حراستی مرکز میں مسلسل پانچ ماہ تک وحشیانہ تشدد کا نشانہ بنایا گیا تھا۔
سنہ 1995ء میں گرفتاری سے قبل بھی سدر کو چھ ماہ تک انتظامی قید میں رکھا گیا۔ سنہ 2011ء میں فلسطینی اسیران کی طرف سے قیدیوں کی ڈیل میں اسرائیلی فوج نے انہیں رہا کرنے سے انکار کردیا تھا۔
سد کا ایک بیٹا ہے اور گرفتاری کے وقت اس کی عمر چند ماہ تھی۔ وہ اس وقت ریمون جیل میں پابند سلاسل ہیں۔
