فلسطینی وزیراعظم محمد اشتیہ نے کہا ہے کہ عید کی تعطیلات کے بعد غرب اردن کی عدالتوں کو کام شروع کرنے کی اجازت دے دی ہے۔
مرکزاطلاعات فلسطین کے مطابق فلسطینی وزیراعظم محمد اشتیہ نے ایک بیان میں کہا کہ صحت کی حفاظت اورسلامتی کی شرائط کے تحت تمام سرکاری محکموں، وزارتوں اور اداروں کو کام کی اجازت دے دی گئی ہے۔
رام اللہ میں ایک پریس کانفرنس سے خطاب میں محمد اشتیہ نے کہا کہ عید کی تعطیلات میں تمام تجارتی اور صنعتی اداروں کو بند کردیا گیا تھا۔
انہوں نے کہا کہ منگل سے تمام مساجد اور گرجا گھروں کو عبادت کے لیے کھول دیا گیا ہے۔ تاہم شہریوں سے کہا گیا ہے کہ وہ مساجد میں چہروں پر ماسک پہن کرآئیں، گھروں سے وضو کرکے مساجد میں آئیں اور نماز کی ادائی کے دوران فاصلہ برقرار رکھیں۔
