اسرائیلی آباد کاروں کے ایک گروپ نے ہفتے کے روز مغربی کنارے کے ضلع نابلس کے بورین گاؤں میں فلسطینیوں کے کھیت کے بڑے حصۓ کو نذر آتش کردیا۔
مغربی کنارے میں آبادکاروں کی خلاف ورزیوں پر نظر رکھنے والے فلسطینی کارکن غسان دغلس کا کہنا تھا کہ اسرائیل کے متعدد آباد کاروں نے جفعات رونین کی غیرقانونی آباد کار بستی کے قریب فلسطینیوں کی ملکیتی اراضی کو نذر آتش کردیا۔
اس حملے میں مختلف فصلوں کے ساتھ ساتھ زیتون کے درختوں کو بھی نقصان پہنچا ہے۔
بورین آبادکاروں کی جانب سے فلسطینی شہریوں اور ان کی املاک کو نشانہ بنائے جانے میں مغربی کنارے کے سب سے زیادہ متاثرہ دیہات میں سے ایک ہے۔
