امریکا کی مینیسوٹا سے تعلق رکھنے والے ڈیموکریٹک امریکی نمائندے بٹی میک کولم نے کانگرس میں ایک بل پیش کیا ہے جس میں ارکان سے مطالبہ کیا گیا ہے کہ فلسطینی علاقے مغربی کنارے پر اسرائیل کی عمل داری اور خود مختاری کے منصوبے کے لیے امریکا کی طرف سے کسی قسم کی مالی مدد نہ کی جائے۔ انہوں نے غرب کے اسرائیل سے الحاق کے صہیونی پروگرام کی مذمت کی اور کہا کہ اس مذموم منصوبے کو آگے بڑھانے کے لیے امریکا کسی قسم کی مدد نہ کرے۔
اس بل کی حمایت 30 سے زیادہ ترقی پسند جمہوری تنظیموں نے کی ہے۔ ایوان نمائندگان کے چھ ارکان نے اس کی مشترکہ سرپرستی کی جن میں مشی گن سے رکن کانگریس رشیدہ طلیب اور مینسوٹا سے الہان عمر شمال ہیں اسکندریہ اوکاسیو (نیویارک) سے آیانہ پرسلی (میساچوسٹس) سے مارک بونن اور ر آندرے کارسن اس بل کی حمایت کررہے ہیں۔
میک کولم نے ایک پریس ریلیز میں کہا کہ میں چاہتا ہوں کہ فلسطینیوں کے انسانی حقوق کا احترام کیا جائے ، ان کے حق خودارادیت اور امن ، سلامتی ، مساوات اور انصاف کو یقینی بنایا جائے۔
