امریکی صدر ڈونلڈ ٹرمپ کی کوششوں سے متحدہ عرب امارات اور اسرائیل کے درمیان طے پانے والے امن معاہدے کے خلاف امریکا کی سول سوسائٹی بھی سرپا احتجاج ہے۔
مرکزاطلاعات فلسطین کے مطابق وائٹ ہائوس کےباہر امریکا کی 50 تنظیموں کے مندوبین اور شہریوںکی بڑی تعداد نے امارات اور اسرائیل کے درمیان طے پانے والے شرمناک معاہدے کے خلاف مظاہرہ کیا گیا۔
مظاہرے میں انسانی حقوق اور سول سوسائٹی کے میدان میں کام کرنے والی 50 تنظیموں کے کارکنوں نے شرکت کی۔ مظاہرے میں امریکا میں مقیم عرب، مسلمان شہریوں اور فلسطینی تارکین وطن کی بڑی تعداد بھی شریک تھی۔
مظاہرین سے خطاب کرتے ہوئے مقررین نے کہا کہ وہ امارات اوراسرائیل کےدرمیان امن معاہدے پر دستخط کے موقعے پر اس کےخلاف مظاہرہ کریں گے۔
خیال رہے کہ متحدہ عرب امارات اور اسرائیل کے درمیان طے پائے معاہدے پر دونوں ممالک کے مندوبین 15 ستمبر کو دستخط کریں گے۔
