اسلامی جمہوریہ ایران میں اسلامی تحریک مزاحمت ‘حماس’ کے مندوب خالد القدومی نے گذشتہ روز تہران میں کویتی سفارت خانے کا دورہ کیا اور امیر کویت الشیخ صباح الاحمد الجابر الصباح کی وفات پر کویتی سفارتی عملے سے تعزیت کی۔
حماس نے سفارت خانے کے تعزیتی رجسٹر پر حماس کی طرف سے تحریری تعزیت کا اندارج کیا۔ انہوں کہا کہ حماس اور فلسطینی قوم کو امیر کویت الشیخ صباح الاحمد جابر الصباح کی وفات پر گہرا صدمہ ہے اور فلسطینی قوم دکھ کی اس گھڑی میں کویتی عوام کے ساتھ کھڑی ہے۔ انہوںنے کہا کہ امیر کویت کا انتقال عرب اقوام اور مسلم امہ کے لیے ناقابل تلافی نقصان ہے۔
خالد القدومی کا کہنا تھا کہ الشیخ صباح الجابر الصباح کی وفات دنیا کے ایک عظیم لیڈر کی وفات ہے۔ ان کی وفات سے عالم انسانیت ایک مخلص اور انسان دوست لیڈر سے محروم ہوگیا۔
خیال رہے کہ گذشتہ منگل کو امیر کویت الشیخ صباح الاحمد جابر الصباح انتقال کرگئے تھے۔
