اسرائیلی فوج کے پیر کی صبح غرب اردن کے شہر جنین اور اس میں موجود فلسطینی مہاجرین کے کیمپوں پر حملے کے نتیجے میں ایک بچے سمیت کم سے کم پانچ فلسطینی شہید جبکہ 66 زخمی ہو گئے۔ مزاحمت کاروں کی لگائی ایک کامیاب گھات کارروائی میں دم دبا کر فرار ہوتی اسرائیلی فوج کے سات اہلکار زخم چاٹنے پر مجبور ہوئے۔
وزارت صحت نے تصدیق کی ہے کہ اسرائیلی کارروائی میں شہید اور زخمی ہونے والوں کو گولیوں کے زخم آئے ہیں۔ 66 زخمیوں میں سے 18 کی حالت نازک بتائی جا رہی ہے۔
مقامی ذرائع کے مطابق اسرائیلی فورسز نے پیر کو علی الصباح جنین پناہ گزین کیمپ میں جابریات محلے پر چھاپہ مارا اور فلسطینیوں پر فائرنگ کی کارروائیوں کے ذمہ دار ہونے کا الزام لگاتے ہوئے کے ایک گھر کو گھیرے میں لے لیا۔
الأباتشي الإسرائيلية تساند قوات الجيش الإسرائيلي داخل جنين.
استمرار الاشتباكات للساعة الثالثة تواليا pic.twitter.com/NwBqtsUrkW
Hanzala (@Hanzpal2) June 19 2023
جنین سے ملنے والی اطلاعات کے مطابق پورے کیمپ میں پرتشدد جھڑپیں اس وقت شروع ہوئیں جب اسرائیلی نشانچی فلسطینی شہریوں کو نشانہ بنانے کے لیے کچھ گھروں کی چھتوں پر چڑھ گئے۔ اس دوران اسرائیل کے اپاچی ہیلی کاپٹروں نے 22 سالوں میں پہلی بار جینن پر بمباری کر دی۔
دوسری جانب فلسطینی مزاحمت کاروں نے جوابی کارروائی میں گولیاں برسائیں اور گھریلو ساختہ دھماکہ خیز مواد استعمال کیا۔ یہ مواد انہوں نے کیمپ کی گلیوں اور آس پاس کی گلیوں میں نصب کر رکھا تھا۔ اس کے نتیجے میں 6 اسرائیلی فوجی زخمی ہو گئے.
اشتعال جيب اسرائيلي بعد تفجير عبوة ناسفة خلال الاشتباكات في جنين.
سيارات اسعاف اسرائيلية نقلت اصابات pic.twitter.com/lHAGq1G3s8
Hanzala (@Hanzpal2) June 19 2023
فلسطینی وزارت صحت نے شہید ہونے والوں کی شناخت 21 سالہ خالد عصاعصة ، 29 سالہ قسام ابو سرية، 21 سالہ قيس مجدي عادل جبارين، 15 سالہ احمد صقر کے نام سے کی ہے جبکہ پانچویں شہید کی شناخت نہیں ہو سکی۔
عاجل| تغطية صحفية: قصف صاروخي من الاحتلال على جنين. pic.twitter.com/TsIPvkQ8XU
المركز الفلسطيني للإعلام (@PalinfoAr) June 19 2023
یاد رہے کہ تل ابیب اور فلسطینی اتھارٹی کے درمیان کشیدگی میں پہلے ہی اضافہ ہو گیا ہے۔ اسرائیلی حکومت کی جانب سے اتوار کو مغربی کنارے کے مختلف علاقوں میں 4 ہزار 560 ہاؤسنگ یونٹس کی تعمیر کو اسرائیلی سپریم پلاننگ کونسل کے ایجنڈے میں شامل کرنے کے منصوبے کی منظوری دیدی جس سے فلسطینیوں میں بھی غصہ کی لہر دوڑ گئی ہے۔
#فيديو | تصاعد أعمدة الدخان عقب دوي انفجار في منطقة الاشتباكات بين المقاومين وقوات الاحتلال في مدينة #جنين.#الباب_الدوار #ثورة_البراق pic.twitter.com/qXpXzXZo9A
قناة الأقصى الفضائية (@SerajSat) June 19 2023
