عبرانی میڈیا نے قابض اسرائیلی وزیر اعظم بنجمن نیتن یاہو کی قیادت میں لیکود پارٹی اور قومی سلامتی کے وزیر اور انتہائی دائیں بازو کی یہودی پاور پارٹی کے رہ نما ایتمار بن گویر کے درمیان غزہ کی پٹی کی صورت حال پر بات چیت کے دوران اختلافات کا انکشاف کیا ہے۔
عبرانی اخبار معاریو کی رپورٹ کے مطابق انتہائی دائیں بازو کی لیکود پارٹی نے بدھ کو بین گویر کو ایک سخت انتباہ جاری کیا، جس کے پس منظر میں پارٹی نے کنیسیٹ میں ووٹ کا بائیکاٹ کرنے کے ان کی پارٹی کے فیصلے کے بعد کہا کہ غزہ سے قابض یہودی بستیوں کی طرف راکٹ داغے جانے پر اسرائیل کا رد عمل کمزور ہے۔
معاریو اخبار نے انتباہ کو غیر معمولی قرار دیا، جب کہ لیکوڈ نے ایک بیان میں کہا کہ وزیر اعظم، وزیر دفاع، فوج اور سکیورٹی فورسز اسرائیل کی ریاست کو درپیش حساس اور پیچیدہ سکیورٹی واقعات کا انتظام کرتے ہیں۔
انہوں نے مزید کہا کہ وزیراعظم وہ ہیں جو بات چیت میں شامل فریقین کا فیصلہ کرتے ہیں۔ اور اگر یہ وزیر بن گویر کے لیے ناقابل قبول ہے تو پھر ان کے لیے حکومت میں رہنے کی کوئی وجہ نہیں ہے۔
قابض ریاست کی سب سے بڑی جماعت لیکوڈ کے رہنماؤں نے پہلے بین گویر پر غیر سرکاری تنقید کی تھی لیکن اس بار یہ تنقید پارٹی کے ایک سرکاری بیان میں سامنے آئی ہے۔
کل بدھ کو جیوش پاور پارٹی کے کنیسٹ اراکین نے غزہ سے راکٹ فائر کے کمزور ردعمل کے خلاف احتجاج کرنے کے لیے سدیروٹ بستی میں ایک دن کے لیے ایک عارضی دفتر کے قیام کا اعلان کیا۔
منگل کے روز نیتن یاہو نے بین گویر کو غزہ کی پٹی پر جارحیت شروع کرنے کا فیصلہ کرنے سے قبل ہونے والی سکیورٹی مشاورت میں شرکت کے لیے مدعو نہیں کیا۔
عبرانی براڈکاسٹنگ کارپوریشن کے مطابق بن گویر نے پارٹی کے اس بیان کا جواب پریس بیانات سے دیا، جس میں انہوں نے نیتن یاہو کو پیغام بھیجا کہ آپ مجھے نکال سکتے ہیں، یہ مکمل دائیں بازو کی حکومت نہیں ہے۔
بن گویر نے کہا اگر میں سکیورٹی میٹنگز میں شرکت اور اثر انداز ہونا شروع نہیں کرتا ہوں تو میں اب سے ووٹنگ سیشن میں جانا بند کر دوں گا۔
انہوں نے مزید کہا کہ اگر نیتن یاہو چاہتے ہیں کہ میں حکومت میں برقرار رہوں تو مجھے ان مباحثوں میں ہونا چاہیے، سجاوٹ کرنے والا نہیں۔ ہمیں بااثر ہونے کی ضرورت ہے۔ نیتن یاہو مجھے برطرف کر سکتے ہیں۔ سکیورٹی کے مباحثوں میں شامل ہونا میرا فرض ہے۔
بدھ کی صبح اسرائیلی حکام اور تجزیہ کاروں نے غزہ کی پٹی پر قابض افواج کے حملوں کو کمزور قرار دیتے ہوئے نیتن یاہو کی حکومت پر تنقید کی تھی۔
