فلسطین کے مقبوضہمغربی کنارے کے شمالی شہرسلفیت میں کل اتوار کے روز یہودی شرپسندوں کے ایک گینگ نےشہر کے مغرب میں واقع قصبے دیر استیا کے مغربی جانب "نبع المجور” فلسطینیوں کی اراضی پرحملہ کیا۔
یہودی آباد کاریکے خلاف سرگرم کارکن نظمی سلمان نے بتایا کہ "حوات یائر”یہودی بستی کےآباد کاروں نے 40 سے زائد دونم اراضی پر زبردستی نارنگی اور لیموں کے درخت لگا کرقبضہ کرنے کی کوشش کی جو کہ شہری احمد اسماعیل ابو حجلہ کی ملکیت ہے۔ یہودی آبادکاروں نے دو قصبوں دیر استیا اور قراوہ بنی حسان کی زمینوں کے بڑے رقبے کو بھینشانہ بنایا۔
سلمان نے کہا کہدیر استیا اور قراوہ بنی حسان کے قصبوں کے درمیان کا علاقہ روزانہ آباد کاروں کےحملوں اور شہریوں اور ان کی املاک بالخصوص چرواہوں پر حملوں کا نشانہ بنتا ہے۔
انہوں نے نشاندہیکی کہ "نہالہ” سیٹلمنٹ موومنٹ کی طرف سے آج سوموارکو دیر استیہ قصبے کےمغربی جانب "وادی عباس” کے علاقے میں درخت لگانے کی سرگرمی کا اہتمامکرنے کے لیے کالز آ رہی ہیں۔ اس علاقے میں یہودی آباد کار 60 دونم اراضی پر قبضہکرنا چاہتے ہیں۔
اسی سیاق و سباقمیں قابض حکام نے اتوار کو شمالی مقبوضہ مغربی کنارے میں سلفیت کے مغرب میں واقع دیربلوت قصبے میں کام اور تعمیرات کو روکنے کے لیے نو نوٹس بھیجے۔
