القدس مرکزِ تحقیق نے اسرائیل کی جانب سے مسجدِ اقصیٰ پر نئی پابندیاں مسلط کرنے کی سنگین کوششوں سے خبردار کیا ہے۔
حریت نیوز کے مطابق مرکز کے سربراہ زیاد الحموری نے کہا ہے کہ اسرائیلی حکومت اور انتہا پسند آباد کار گروہوں کی طرف سے مسجدِ اقصیٰ کی عمارت پر مبینہ یہودی ہیکل کی تعمیر کی کوششیں جاری ہیں۔
زیاد الحموری نے امریکہ پر بھی الزام لگایا کہ وہ اسرائیلی غاصب ریاست کو فلسطینی عوام اور ان کے مقدس مقامات کے خلاف مزید خلاف ورزیوں کی مسلسل ترغیب دے رہا ہے۔
دریں اثنا، بیت المقدس اسلامی کمیشن کے رکن محمد ذیاب ابو صلاح نے کہا ہے کہ اسرائیلی قابض اتھارٹی مسجدِ اقصیٰ پر اپنی گرفت مضبوط کرنے کے لیے مسجد کے ارد گرد آباد کاروں کی چوکیاں قائم کر رہی ہے۔
ذیاب نے یہ بھی کہا کہ اتھارٹی بیت المقدس کے شہریوں کے گرد گھیرا تنگ کرنے پر کاربند ہے تاکہ انہیں مقدس شہر سے باہر نکلنے پر مجبور کر دیا جائے۔
