اسلامی تحریک مزاحمت ‘حماس’ نے اپنے 35 ویں یوم تاسیس کے موقع پر اپنا نیا لوگو جاری کیا ہے۔
تحریک کے استحکام کو ظاہر کرتے لو گو پر فلسطین کا نقشہ، پرچم اور قبۃ الصخرہ واضح ہے۔ مقبوضہ بیت المقدس کی تحریکِ مزاحمت اور اسرائیلی قبضے کے خلاف جدوجہدِ آزادی کی 35 سالہ تاریخ کو سمویا گیا ہے۔
لوگو میں آزادی کے حصول تک مسلح مزاحمت اپنائے رکھنے کے لیے بندوق بھی شامل کی گئی ہے۔
"جب ہم اپنے نئے لوگو کی نقاب کشائی کرتے ہیں، ہم مقبوضہ مغربی کنارے اور بیت المقدس، 1948 سے مقبوضہ علاقوں اور غزہ کی پٹی کے صالح شہداء، بہادر قیدیوں، زخمیوںاور تمام ثابت قدم فلسطینیوں کو سلام پیش کرتے ہیں۔” تحریک نے ایک بیان میں کہا۔
حماس عام طور پر 14 دسمبر کو اپنا یوم تاسیس مناتی ہے۔ 1987 ءمیں اس کی بنیاد رکھی گئی تھی۔
