اسرائیلی قابض اتھارٹی نے ناجائز یہودی بستیوں میں لا کر بسائے گئے یہودی آباد کاروں کے قبرستانوں کو توسیع دینے کے لیے بھی فلسطینیوں کی زمینوں پر قبضے کرنا شروع کر دیے ہیں۔
اس سلسلے میں ہفتے کے روز مغربی کنارے کے علاقے سلفیت کے شمالی حصے میں اسرائیلی قابض اتھارٹی نے زمینوں پر قبضے کیے اور بھاری مشینری سے کی مدد سے زمین کو کھود نا شروع کر دیا گیا ہے۔
مقامی لوگ جن کی زمین پر قبضہ کیا گیا ہے ، ان کا کہنا ہے کہ یہ تازہ قبضے ایریل میونسپلٹی میں پیش آئے ہیں۔ جہاں قابض اتھارٹی نے اسرائیلی بنائی گئی دیوار اور یہودی بستیں کے درمیان کیے گئے ہیں اور فوری طور پر زمین کی شکل بدلنے کے لیے بھاری مشیری لگا دی گئی ہے۔
مقامی لوگوں کو اب اپنی اس زمین کی طرف جانے کی اجازت نہیں رہی ہے۔ ان لوگوں کا یہ بھی کہنا ہے کہ یہودی بستیوں کے لیے پہلے سے قبضے میں زمین لے کر بنائے گئے قبرستان خالی پڑے ہیں لیکن اس کے باوجود فلسطینیوں کی مزید زمین چھین لی گئی ہے۔
