اسرائیلی قابض فوج نے آج صبح نابلس کے شمال میں ایک تاریخی مقام پر دھاوا بول دیا اور الخلیل میں دو فلسطینیوں کو گرفتار کر لیا۔
علی الصبح قابض فوج کے دستوں نے نابلس کے شمال میں واقع سبسطیہ کےتاریخی علاقے پر بڑی تعداد میں دھاوا بول دیا۔
الخلیل میں، قابض فوجیوں نے دو فلسطینیوں کو باب الزاویہ کے نواحی علاقے میں گرفتار کیا۔فوجیوں کی بڑی تعداد علاقے میں موجود رہی۔
دونوں زیرِ حراست افراد کو نامعلوم حراستی مرکز منتقل کر دیا گیا ہے۔
دریں اثناء، مقبوضہ بیت المقدس کے صور باھر اور الطور قصبوں میں پرتشدد جھڑپیں ہوئیں۔ ایک فلسطینی کو جھڑپوں کے دوران حراست میں لیا گیا ہے۔
