اسرائیلی پولیس نے مقبوضہ بیت المقدس میں ایک خاتون سمیت پانچ فلسطینیوں کو گرفتار کر لیا۔
مقامی ذرائع نے اطلاع دی ہے کہ اسرائیلی فورسز نے قدیمی شہر میں تین نوجوانوں کو گرفتار کیا جن میں دو بھائی بھی شامل ہیں۔ گرفتاری سے قبل ان پر وحشیانہ تشدد بھی کیا گیا۔
ایک اور نوجوان کو العیساویہ قصبے میں اس کے آبائی گھر سے حراست میں لیا جبکہ ایک خاتون کو مسجدِ اقصیٰ کے قریب سے گرفتار کر لیا گیا۔
دریں اثناء جنین کے مغرب میں سالم فوجی کیمپ کے قریب سے ایک فلسطینی کو حراست میں لیا گیا۔
