حماس کے رہنما رافت ناصیف نے کہا ہے کہ اتوار کو جو کچھ بیت المقدس اور غربِ اردن میں ہوا وہ مزاحمتی دھڑوں کو آپس کے اتحاد و اتفاق کی دعوت دے رہا ہے۔ ہمیں یک جان ہو کر غاصب صہیونی قوتوں کا مقابلہ کرنا چاہیے۔
ایک اخباری بیان میں انہوں نے کہا کہ خاص طور پر غربِ اردن میں مزاحمتی کارروائیوں کو بڑھانا اور کوششوں کو متحد کرنا چاہیے۔ انہوں نے جنین پناہ گزین کیمپ کو اس کے لیے ایک نمونہ بنانے کے عزم کا اظہار کیا۔
ان کے بقول، اسرائیلی جرائم صرف قبضے کے خاتمے کے ساتھ ہی ختم ہوں گے، لہذا اِن جرائم کا ہر سطح پر مل کر مقابلہ ضروری ہے۔
