دو دن قبل اسرائیلی فوج کی فائرنگ سے غرب اردن کے شہر جنین میں ایک پناہ گزین کیمپ میں شدید زخمی ہونے والا فلسطینی نوجوان داؤد الزبیدی دم توڑ گیا۔
شہید فلسطینی کے اہل خانہ نے بتایا کہ الزبیدی کو دو روز قبل اسرائیلی فوجیوں نے جنین کیمپ میں گولیاں مار کر شدید زخمی کردیا تھا۔ اسے علاج کے لیے اسپتال منتقل کیا گیا جہاں وہ زخموں کی تاب نہ لاتے ہوئے دم توڑ گیا۔
داؤد زبیدی کو شدید زخمی حالت میں سنہ 1948ء کے مقبوضہ علاقے کے ایک اسپتال منتقل کیا گیا تھا۔
داؤد زبیدی کا ایک بھائی زکریا الزبیدی اسرائیلی جیل میں قید ہیں اور ان کی ماں اورایک بھائی طہ کو اپریل 2002ء کو اسرائیلی فوج نے جنین کیمپ پر چڑھائی کے دوران گولیاں مار کر شہید کردیا تھا۔
