فلسطین کے مقبوضہ بیت المقدس شہر میں اسرائیلی فوج کی جانب سے روزانہ کی بنیاد پر جاری کریک ڈاؤن کے دوران گذشتہ ایک سال کے دوران 1900 فلسطینیوں کو حراست میں لیا گیا۔
مرکزاطلاعات فلسطین کے مطابق سب سے زیادہ گرفتاریاں غزہ پر اسرائیل کی حالیہ جارحیت کے دوران اور باب العامود میں ہونے والی تحریک کے دوران کی گئیں۔
کلب برائے اسیران کے مطابق اسرائیلی فوج نے سیکڑوں ایسے بچوں کو حراست میں لیا جن کی عمریں 18 سال سےکم تھیں۔
مئی کے دوران اسرائیلی حکومت نے فلسطینی اسیران کی ہیلتھ انشورنس ختم کرنے کا اعلان کیا۔ ان اسیران میں امیر زغیر، رامی برکہ، محمد ارناؤط، عمر زغیر اور 12 دوسرے اسیران شامل ہیں۔
گرفتار کیے جانے والے 53 فلسطینیوں کو 25 سال سےزاید عمر کی سزائیں دی گئیں۔
