فلسطین کے مقبوضہ مغربی کنارے کے مختلف شہروں میں تلاشی کی کارروائیوں کے دوران اسرائیلی فوج نے آٹھ فلسطینیوں کو حراست میں لے لیا۔
غرب اردن کے شمالی شہر نابلس میں تلاشی کے دوران بیتا کے مقام پر فلسطینیوں اور اسرائیلی فوج کے درمیان جھڑپ ہوئی جس کے نتیجے میں ایک فلسطینی زخمی جب کہ تین کو حراست میں لے لیا۔
مقامی فلسطینی ذرائع نے بتایا کہ اسرائیلی فوج نے فلسطینی شہریوں پردھاتی گولیوں سے فائرنگ اور ان پرصوتی بم پھینکے۔ ایک شہری دھاتی گولی منہ پرلگنے سے شدید زخمی ہوگیا۔
ادھر اسرائیلی فوج نے بیتا میں تلاشی کے دوران جن تین فلسطینیوں کو حراست میں لیا ان کی شناخت حسام معالی، جلال دویکات اور حرا حمایل کے ناموں سے کی گئی ہے۔ گرفتاری سے قبل قابض فوج نے ان کے گھروں میں گھس کر توڑ پھوڑ اور قیمتی سامان کی لوٹ مار بھی کی۔
جنین شہر میں تلاشی کے دوران قباطیہ کے مقام پر اسرائیلی فوج نے سابق اسیر ماجد فیصل نزال کو حراست میں لے لیا۔
