اسرائیلی ریاست کی طرف سے فلسطینیوں پر مسجد اقصیٰ میں داخلے پر عاید پابندیوں اور رکاوٹوں کے باوجود ایک لاکھ فلسطینیوں نے مسجد اقصیٰ میں عیدالاضحیٰ کی نماز ادا کی۔
القدس کے محکمہ اوقاف کی طرف سے جاری ایک بیان میں کہا گیا ہے کہ فلسطینی شہری پابندیاں توڑ کر مسجد اقصیٰ میں داخل ہوئے اور عید کی نماز تک مسجد نمازیوں سے بھر چکی تھی۔ فلسطینی شہریوں نے عید کی نماز کے لیے نماز فجر کے بعد آنا شروع کردیا تھا۔
مسجد اقصیٰ میں عید کی نماز ادا کرنے کے لیے آنے والے فلسطینیوں نے مسجد اقصیٰ، القدس ، غزہ اور فلسطینی مزاحمت زندہ باد کے نعرے لگائے۔ انہوں نے القسام بریگیڈ محمد الضیف کے حق میں بھی نعرے لگائے۔ نماز فجر اور عید کی نمازوں کے دوران فلسطینیوں کی بڑٰی تعداد موجود تھی۔
ادھر ایک دوسرے سیاق میں مسجد اقصیٰ سے بے دخل کیے گئے فلسطینیوں نے پرانے بیت المقدس میں باب الاسباط کے مقام پر عید کی نماز ادا کی۔
