برطانوی پولیس نے 27 سالہ سماجی کارکن اور فلسطینیوں کی حامی ساشا جونسن کے قتل میں مبینہ طوعرر پر ملوث 5 مشتبہ ملزموں کو گرفتار کیا ہے۔
خیال رہے کہ جونسن پر گذشتہ اتوار کو جنوب مشرقی لندن میں ایک گھر میں ہونے والی ایک تقریب میں شرکت کے بعد نامعلوم افراد نے گولیاں ماری تھیں جس کے نتیجے میں وہ شدید زخمی ہوگئی تھی۔
فائرنگ سے چند گھنٹے قبل ساشا جونسن نے فلسطینیوں کی حمایت میں نکالی گئی ایک ریلی میں بھی شرکت کی تھی۔اس ریلی میں غزہ کی پٹی پر اسرائیلی بمباری کی مخالفت اور اسرائیل پرپابندیاں عاید کرنے کا مطالبہ کیا گیا تھا۔
برطانوی پولیس کا کہنا ہے کہ اس نے جونسن کے قتل میں ملوث ہونے کے شبے میں پانچ ملزمان کو گرفتار کیا ہے۔ گرفتار ملزمان کی عمریں 17 سے 28 سال کے درمیان ہیں۔ پولیس نے ان سے پوچھ تاچھ شروع کردی ہے۔
