اسلامی جمہوریہ ایران کے ایک سینیر کمانڈر میجر جنرل اسماعیل قآنی کے نائب بریگڈییر محمد حجازی کی وفات پراسلامی تحریک مزاحمت ‘حماس’ نے افسوس کا اظہار کیا ہے۔
مرکزاطلاعات فلسطین کے مطابق حماس کے سیاسی شعبے کے سربراہ اسماعیل ھنیہ نے ایک بیان میں کہا ہے کہ مرحوم کمانڈر محمد حجازی کی فلسطینی مزاحمت کی حمایت میں خدمات کو فراموش نہیں کیا جاسکتا۔
انہوں نے کہا کہ حماس اسلامی جمہوریہ ایران کی طرف سے فلسطینی قوم اور فلسطینی مزاحمت کی حمایت اور القدس فورس کی جانب سے فلسطینیوں کے لیے خدمات کو ہمیشہ یاد رکھے گی۔
بیان میں کہا گیا ہے کہ حماس مزاحمت اور دشمن کے خلاف ثابت قدمی سے آزادی کی تحریک جاری رکھے گی۔ ان کا کہنا تھا کہ ہماری جدو جہد پوری فلسطینی سرزمین کی آزادی اور ارض فلسطین پر صہیونی پروگرام کو شکست سے دوچار کرنے کے لیے جاری رہے گی۔
