اسرائیلی فوج نے دعویٰکیا ہے کہ اس نے غزہ کی پٹی سے داغا گیا ایک راکٹ مار گرایا ہے۔ یہ راکٹ غزہ کی پٹی سے جنوبی اسرائیل کی یہودی کالونیوں پر داغا گیا تھا۔
اسرائیلی فوج کی طرف سے جاری کردہ ایک بیان میں کہا گیا ہے کہ غزہ کی پٹی سے داغا ایک راکٹ مار گرایا گیا ہے تاہم اس کی مزید تفصیل بیان نہیں کی گئی۔
غزہ کی پٹی سے راکٹ حملے کی ذمہ داری کسی گروپ نے قبول نہیں کی۔
ادھر اسرائیلی فوج نے غزہ کی پٹی سے داغے گئے راکٹوں کے بعد سرحد کی دوسری جانب یہودی کالونیوں میں خطرے کے سائرن بجائے۔
