قابض اسرائیلی ریاست کی بیت المقدس کی نام نہاد بلدیہ نے شہر میں الشیخ جراح کے مقام پر دو نئے منصوبوں کی منظوری دی ہے۔
عبرانی نیوز ویب سائٹ’واللا’کے مطابق اسرائیلی بلدیہ نے مشرقی بیت المقدس میں الشیخ جراح کے مقام پر چھاتہ بردار بریگیڈ کے جنگ میں ہلاک ہونے والے فوجیوں کی یاد میں ایک یادگار تعمیر کرنے کی منظوری دی ہے۔
واللا کی رپورٹ میں کہا گیا ہے کہ الشیخ جراح میں ایک کنٹرول ٹاور اور چھوٹا رن وے بھی بنانے کی منظوری دی گئی ہے۔
رپورٹ میں کہا گیا ہے کہ الشیخ جراح کے مقام پر سنہ 1967ء کی جنگ میں ہلاک ہونے والے فوجیوں کی یاد میں چھاتہ بردار بریگیڈ 71 کے فوجیوں کی یاد میں یادگار تعمیر کی جا رہی ہے۔
