فلسطین کے علاقے غزہ میں حکام کا کہنا ہے کہ سمندر میں مچھلیوں کے شکار کے دوران تین فلسطینی ماہی گیر دھماکے کے نتیجے میں شہید ہوگئے۔
یہ واقعہ جنوبی غزہ میں خان یونس کے سمندر میں اس وقت پیش آیا جب ماہی گیروں کی ایک کشتی کے قریب دھماکہ ہوگیا۔
مرکزاطلاعات فلسطین کے نامہ نگار کے مطابق شہید ہونے والے تینوں ماہی گیروں کی میتیں خان یونس کے ناصر اسپتال منتقل کردی گئی ہیں۔
غزہ میں وازارت داخلہ اور سیکیورٹی حکام کے مطابق پولیس نے اس واقعے کی تحقیقات شروع کردی ہیں۔
