فلسطین کے علاقے غزہ کی پٹی کے قریب اسرائیلی فوج کی دو گاڑیوں کے آپس میں ٹکرانے سے کم سے کم ایک فوجی اہلکار ہلاک اور دوسرا زخمی ہوگیا۔
عبرانی فوجی ریڈیو کے مطابق یہ واقعہ غزہ کی پٹی کی سرحد کے قریب پیش آیا۔ اسرائیلی فوج کی دو گاڑیاں جنوبی فلسطین میں الریم کے مقام پر آپس میں ٹکرا گئیں جس کے نتیجے میں دو فوجی اہلکار زخمی ہوگئے۔ انہیں شدید زخمی حالت میں اسپتال لے جایا گیا جہاں ان میں سے ایک اسپتال میں دم توڑ گیا۔ دوسرے فوجی اہلکار کو سوروکا اسپتال منتقل کیا گیا ہے۔
