امریکی حکومت میں اقتدار کی تبدیلی سے ایک روز قبل قابض اسرائیلی حکام نے بیت المقدس اور مقبوضہ مغربی کنارے میں یہودیوں کے لئے 2600 نئے مکانات کی تعمیر کے ٹینڈرز جاری کرنے کی منظوری دی ہے۔
عبرانی میڈیاکے مطابق اس نئے منصوبے کے تحت 182 نئے مکانات کی تعمیر کی جائے گی جبکہ دیگر ہائوسنگ یونٹس پہلے سے موجودبلڈنگ کی توسیع کر کے بنائے جائیں گے۔
اسرائیل کی جانب سے فلسطینی اراضی پر آبادکاری کے خلاف سرگرم گروپ پیس نائو کے مطابق اس نئےاسرائیلی منصوبے کے تحت مغربی کنارے میں 2112 ہائوسنگ یونٹس تعمیر کئے جائیں گے جبکہ مشرقی بیت المقدس میں 460 یونٹس تعمیر کئے جائیں گے۔
پیس نائو تنظیم کے مطابق "اسرائیل کی حکومت امریکا میں نئی انتظامیہ کے اقتدار سنبھالنے سے قبل ہرممکن کوشش کر کے آبادکاری کے منصوبوں کو منظور کر رہی ہے تاکہ بائیڈن انتظامیہ کے آنے کے بعد کسی مشکل کاسامنا نہ کرنا پڑے
