فلسطینی صدر محمود عباس نے فلسطینی علاقوں میں رواں سال پارلیمانی، صدارتی اور نیشنل کونسل کے مرحلہ وار انتخابات کے لیے فرمان جاری کر دیا ہے۔ صدارتی فرمان کے مطابق تینوں انتخابات مرحلہ وار ہوں گے۔
مرکزاطلاعات فلسطین کےمطابق پہلے مرحلے میں 22 مئی 2021ء کو پارلیمانی انتخابات ہوں گے۔ دوسرے مرحلے میں 31 جولائی 2021ء کو صدارتی انتخابات کا انعقاد کیا جائےگا جب کہ تیسرے اور آخری مرحلے میں 31 اگست 2021ء کو نیشنل کونسل کے ارکان کا چنائو کیا جائے گا۔
صدر عباس کی طرف سے انتخابات کا اعلان اتفاق رائے سے کیا گیا ہے۔ گذشتہ روز صدر محمود عباس سے فلسطینی الیکشن کمیشن کےچیئرمین حنا ناصرنے ملاقات کی تھی۔
صدر عباس کی ہدیات پر فلسطین میں تمام سیاسی جماعتوں کو انتخابی مہمات شروع کرانے کی ہدایت کی ہے۔
انتخابی مہم میں مقبوضہ بیت المقدس کو بھی شامل کیا جائےگا۔
