امریکی کانگریس کے ایوان نمائندگان اور سینٹ میں جمعرات کی صبح امریکی صدر جو بائیڈن کی صدارتی انتخاب میں کامیابی کی تصدیق کا عمل چند گھنٹے توقف کے بعد دوبارہ شروع ہو گیا۔ یہ عمل ڈونلڈ ٹرمپ کے حامیوں کی جانب سے ان کی انتخاب میں ناکامی پر پرتشدد احتجاج کے دوران کیپٹول ہل پر حملے کے بعد تعطل کا شکار ہو گیا ہے۔
امریکی نائب صدر مائیک پینس نے نتائج کی تصدیق کے لیے ہر ریاست سے ووٹ دینے والے ارکان کی تعداد پکارنا شروع کی۔
کانگریس نے مشی گن اور ایریزونا ریاستوں کی جانب سے جو بائیڈن کی کامیابی پر اعتراض کو مسترد کر دیا۔ نیز نویڈا ریاست کی جانب سے اٹھائے گئے اعتراض کو بھی سینٹ سے مطلوبہ حمایت حاصل نہ ہونے کی وجہ سے مسترد کر دیا گیا۔ اعتراض واپس لیے جانے کے بعد جارجیا ریاست کے اعتراض کو مسترد کر دیا گیا۔
تشدد کبھی کامیاب نہیں ہوتا
نائب صدر مائیک پینس نے دوبارہ سے سیشن کے آغاز کے موقع پر مظاہرین کو براہ راست مخاطب کرتے ہوئے واشگاف الفاظ میں کہا کہ ‘آپ جیتے نہیں سکے’۔
ڈونلڈ ٹرمپ نے بدھ کی صبح وائٹ ہاؤس کے باہر منعقدہ ریلی میں اپنے حامیوں کو کپیٹول ہل کی جانب مارچ کے لیے اکسایا۔
انہوں نے بذات خود اپنا اکثر وقت اوول آفس کے نجی ڈائننگ روم میں ٹی وی پر پرتشدد واقعات دیکھتے ہوئے گزارا تاہم جب عملے نے ان سے بہت زیادہ اصرار کیا تو وہ ٹوئٹ کے ذریعے ردعمل دینے پر مجبور ہو گئے۔
انہوں نے ٹوئٹ میں کہا کہ میں کپیٹول ہل میں موجود تمام لوگوں سے کہتا ہوں کہ وہ پرامن رہیں، تشدد نہ کریں، ہم قانون کے مطابق چلنے والی پارٹی ہیں اور اس کا احترام کرتے ہیں۔
